![](https://www.addaikalanayaki.com/wp-content/uploads/2019/02/jjjgh.jpeg)
மத்திய தரைக்கடல் வழியாக ஐரோப்பாவுக்குள் நுழையும் ஆபத்தான கடல் பயணத்தில், கடந்த ஆண்டில் ஒவ்வொரு நாளும் ஆறு பேர் வீதம் இறந்தனர் என்றும், 2018ம் ஆண்டு, கடலைக் கடக்க முயற்சித்த பயணத்தில் இறப்புகள் அதிகம் இடம்பெற்ற ஆண்டு என்றும் ஐ.நா.வின், UNHCR புலம்பெயர்ந்தோர் அமைப்பு கூறியுள்ளது.
UNHCR அமைப்பு வெளியிட்டுள்ள புதிய அறிக்கையில், 2018ம் ஆண்டில், மத்திய தரைக்கடலில் 2,275 பேர் நீரில் மூழ்கி இறந்துள்ளனர் மற்றும் காணாமற்போயுள்ளனர் எனக் கூறப்பட்டுள்ளது.
கடலில் மக்களின் வாழ்வைப் பாதுகாப்பது, நாமாகத் தெரிவு செய்வதல்ல அல்லது அரசியல் சார்ந்த விவகாரமும் அல்ல, மாறாக, அது எல்லாருடைய கடமையாகும் என்று கூறிய, UNHCR அமைப்பின் தலைவர் Filippo Grandi அவர்கள், மனித வாழ்வையும் மாண்பையும் மையப்படுத்தி அமைக்கப்படும் கொள்கைகளால், இந்தக் கொடூரங்களைத் தடுத்து நிறுத்தலாம் என்று தெரிவித்துள்ளார்.
இஸ்பெயின் நாட்டிற்குச் செல்லும் புலம்பெயர்ந்தோரில் பெரும்பாலானவர்கள் மொரோக்கோ மற்றும், கினி நாடுகளைச் சார்ந்தோர் எனவும், இத்தாலிக்குச் செல்பவர்களில் பெரும்பாலானவர்கள், டுனிசியா மற்றும் எரிட்ரியாவைச் சார்ந்தவர்கள் என்றும் UNHCR அமைப்பு கூறியுள்ளது
Source: New feed